भारतात मधुमेहाचे प्रमाण वाढत आहे, असे सतत ऐकायला-वाचायला मिळते; पण तरीही आपण जीवनशैलीत बदल करत नाही, हे वास्तव आहे. यावर बोट ठेवून डॉ. अश्विन सावंत यांनी ‘मधुमेह विरुद्ध आपण!’ या पुस्तकातून संपूर्ण माहिती दिली आहे. मधुमेहाचा धोका कोणाला, त्याची कारणे, लक्षणे, मधुमेह झाल्यावर शरीरात काय घडते, मधुमेहींनी काय खावे, काय टाळावे, इन्सुलिन म्हणजे काय हे त्यांनी पुस्तकातून समजावून दिले आहे. दूध व दुधाच्या पदार्थांच्या अतिसेवनाचे परिणाम, व्यापारी डावपेच, मैद्याचे अर्थकारण याचे गणित त्यांनी सोडवून दाखवले आहे. कोल्ड्रिंक्स, साखर, चहा, गोडाचा अतिरेक व त्याचे विविध वयातील परिणाम स्पष्ट करण्यात आले आहेत. प्रौढ वयातील मधुमेह, पीसीओएस म्हणजे काय, लक्षणे, कारणे, अति इन्सुलिनचे परिणाम, मेटाबोलिक सिन्ड्रोम, मधुमेहाची पूर्वरूपे, गर्भारपणातील मधुमेह, मधुमेहासाठी आवश्यक प्रयोगशालेय तपासण्या, रक्तातील साखर कधी तपासावी, ती नियंत्रणात आहे का, मधुमेही हायपो का होतात, मधुमेहजन्य दीर्घकालीन घातक विकृती, हृदयविकाराचा झटका येण्याचा धोका, मूत्रपिंडविकृती, मधुमेह आणि लैंगिक अकार्यक्षमता अशा अनेक मुद्द्यांवर या पुस्तकात सविस्तर माहिती देण्यात आली आहे.
पुस्तक : मधुमेह विरुद्ध आपण!
लेखक : डॉ. अश्विन सावंत
प्रकाशन : नवता बुक वर्ल्ड
पृष्ठे : २२०
मूल्य : २०० रुपये
(‘मधुमेह विरुद्ध आपण!’ हे पुस्तक ‘बुकगंगा डॉट कॉम’वरून थेट घरपोच मागविण्यासाठी खालील लिंकवर क्लिक करा.)
